Adil İsmayılov

Mənbə: google.az

Başlıq: Adil İsmayılov

Adil İsmayılov: Kollegiyanın rəhbərliyi sorğuma cavab verməyənə qədər izahat yazmayacam

Məqalə yeniləndi:  13 Mart 2019

Vəkillə bağlı İntizam Komissiyasında araşdırma başlayıb

Martın 13-də vəkil Adil İsmayılov Vəkillər Kollegiyasının İntizam Komissiyasına izahat verməyə çağrılıb. Bundan əvvəl isə Xırdalan şəhər Vəkil Bürosu bəyanat yayıb. Onlar Vəkillər Kollegiyası Rəyasət Heyətini və Azərbaycan vəkillərini “təhqir etməsi ilə seçilən” Adil İsmayılovdan dərhal işlətdiyi ifadələrə görə təkzib verərək üzr istəməsini tələb edib, əks halda onunla bağlı tədbir görülməsini istəyiblər.

Bəyanatda tənqid olunanlar arasında vəkil Fuad Ağayevin də adı var:

“Anar Bağırovun rəhbərliyi altında Vəkillər Kollegiyasında aparılan islahatları dəstəkləyir və təmsil olunduğumuz VK-nın və ümumilikdə Azərbaycan vəkilliyinin ünvanına söylənən şər - böhtan xarakterli iddialara etirazımızı bildiririk”.

Adil İsmayılovun Meydan TV-yə verdiyi məlumata görə, onu komissiyanın üzvü Bəylər Məmişov qəbul edib. Adil İsmayılova bildirilib ki, iki vəkil-Tahir Əlirzayev və Elmar Kərimov tərəfindən komissiyaya şikayət olunub:

“Sahil Əlirzayev və Elmar Kərimovun şikayətlərinin motivi mənim guya qurumun rəhbərliyinin şərəf və ləyaqətinin təhqir etməyim və mağmın adlandırmağımdır. Bəylər Məmişova bildirdim ki, kollegiyanın rəhbərliyi sorğuma cavab verməyənə qədər izahat yazmayacam”.

Vəkil Fuad Ağayev Xırdalan Bürosunun bəyanatında adının hallanması haqda suallara cavab verməyəcəyini bildirib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  13 Mart 2019
Bölmələr:  
qısa linklər:   http://mtv.re/zj6vg4

Ən çox baxılan