Ata oğlunun azadlığından əvvəl öləcəyindən qorxur

Mənbə: Meydan.TV

Başlıq: Ata oğlunun azadlığından əvvəl öləcəyindən qorxur

Ata oğlunun azadlığından əvvəl öləcəyindən qorxur

Məqalə yeniləndi:  13 Aprel 2019

Ata oğlunun azadlığından əvvəl öləcəyindən qorxur

Azad Həsənov mühacir kimi yaşadığı Litvadan Bakıya gələndə bileti birtərəfli almışdı. Həbs olunacağını gözləyirdi deyə geri dönüş biletin almayıb. 4 ildir yaşadığı Litvadan onu Bakıya gətirən səbəb atasının ölümcül vəziyyətdə olması idi. Anasının dəfnində iştirak edə bilməyən Azad Həsənov bu dəfə atası vəfat edəcəyi halda yanında olmaq istəyirdi. Atası onkoloji xəstəlikdən və şəkərli diabetdən əziyyət çəkir.

O, Bakıya gəldiyi günün axşamı həbs edilib. 2018-ci il oktyabrın 10-da. Ona qarşı Cinayət Məcəlləsinin satış məqsədilə külli miqdarda narkotik vasitələr əldə etmə, saxlama maddəsi ilə ittiham irəli sürülüb. Bu ittihamla onu 5 ildən 12 ilə qədər həbs gözləyir. Ailəsi deyir ki, Azad Həsənov Müsavat partiyasının üzvü olduğuna, vaxtı ilə ölkədə və daha sonra xaricdə təşkil olunan mitinqlərdə iştirak etdiyinə görə həbs edilib.

Azad Həsənovun yoldaşı Təranə Həsənova 6 yaşlı oğlu ilə birlikdə Litvada qalıb, həftədə bir dəfə, 15 dəqiqə yoldaşı ilə telefonla danışır. Sonuncu danışıqlarında gözünün ağrıdığını deyib. Azad Həsənov üçüncü qrup əlildir, bir gözü görmür.

Atası deyir, Azadı görmədən ölməyə razı idi, təki azadlıqda, ailəsinin yanında olduğunu bilərdi. Oğlunun Bakıya gəldiyini ona xəbər verməyiblər. Elə həbs olunduğunu da bir neçə ay gizlədiblər. Onun indi bircə arzusu var, Azad azadlığa çıxmadan gözlərini əbədi yummasın.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  13 Aprel 2019
Bölmələr:  
qısa linklər:   http://mtv.re/cxxr7b

Ən çox baxılan