Avropa İttifaqı

Mənbə: google.az

Başlıq: Avropa İttifaqı

Avropa İttifaqı İlham Əliyevin əfv sərəncamı ilə bağlı bəyanat verib

''Azərbaycanın bu cür addımları davam etdirəcəyini gözləyirik''

Avropa İttifaqı Azərbaycan prezidenti İlham Əliyevin martın 16-da imzaladığı əfv sərəncamını alqışladığını bildirib.

“Turan” Agentliyinin məlumatına görə, bu barədə Avropa xarici siyasət xidmətinin martın 17-də dərc olunan rəsmi bəyanatında deyilir.

Əfv olunanlar arasında siyasi partiyaların, qeyri-kommersiya təşkilatlarının nümayəndələri, blogerlər və jurnalistlər var.

“Bu addım təqdirəlayiqdir”, - bəyanatda vurğulanır. Sənəddə bildirilib ki, Aİ Azərbaycanın beynəlxalq öhdəliklərinə uyğun olaraq gələcəkdə bu cür addımları davam etdiriləcəyini gözləyir.

“Avropa İttifaqı insan hüquqları sahəsində əməkdaşlığı genişləndirmək üçün Azərbaycanla qarşılıqlı əlaqələri davam etdirəcək ki, bu da bizim qarşılıqlı münasibətlərdə mühüm elementdir”.

Martın 16-da verilən əfv sərəncamı 399 məhbusu əhatə edib.

Əfv siyasi məhbus siyahısında olan 51 nəfərə də şamil edilib. Onların arasında 14 əcnəbi, o cümlədən iki rusiyalı var. Onların əksəriyyəti cəzasının qalan hissəsini çəkməkdən, 12 nəfər cərimədən azad edilib. Ömürlük məhkum edilmiş üç nəfərin cəzası uzun müddətə həbslə əvəzlənib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/avplu1

Ən çox baxılan