Bakıda aksiya: "Öldürsələr də, haqqımızı tələb edəcəyik"

Mənbə: Meydan.TV

Başlıq: Bakıda aksiya: "Öldürsələr də, haqqımızı tələb edəcəyik"

Bakıda aksiya: "Öldürsələr də, haqqımızı tələb edəcəyik"

Bakıda aksiya: "Öldürsələr də, haqqımızı tələb edəcəyik"

Martın 13-də Bakı Şəhər İcra Hakimiyyəti qarşısında aksiya keçirilib. “GEN” MMC tikinti firmasının aldatdığı adamlar icra başçısı Eldar Əzizovla görüş tələb ediblər.

“Keçmişik məhkəmə instansiyalarının birində - Apelyasiya Məhkəməsində xüsusi qərar çıxarılıb. Qərarda qeyd olunub ki, Bakı şəhər İcra Hakimiyyəti bizim üçün yeni binanın tikintisinə torpaq sahəsi ayırsın. Qərarın icrası üçün 30 gün vaxt verilsə də, 5 il keçib, hələ də icra olunmayıb. Bu gün BŞİH-nin qarşısına buna görə toplaşmışıq. Tələb edirik ki, başçı Eldar Əzizov bizi qəbul etsin”-zərərçəkən Afət Əzizova danışır.

2007-ci ildə “GEN” MMC-yə pul ödəyib ev almaq istəyən 377 vətəndaş aldadılıb və onların pulu mənimsənilib. Şikayətlərdən sonra şirkət rəhbəri həbs olunub. Ancaq indiyə qədər zərərçəkənlərin nə pulu qaytarılıb, nə də onlar mənzillə təmin olunub.

”11 ildir gözləyirik bunu - nə vaxt torpaq ayrılacaq? Hər vəzifə sahibi öz işini lazımınca görsə, öz cibinə yox, camaat üçün işləsə, camaatı düşünsəydi, biz bu gün burada dayanmazdıq. 11 il ayaq döyməzdik. Yığışmışıq, öldürsəniz də, qovlasanız da gəlib haqqımızı tələb edəcəyik”- şikayətçi Fəridə Ələkbərova deyir.

Şikayətçiləri İcra Hakimiyyətində əvvəl Tikinti məsələləri şöbəsinin müdiri Rəşid Ağayev, daha sonra başçı Eldar Əzizov qəbul edib. Onlara söz verilib ki, paytaxtda yeni binanın tikintisinə torpaq sahəsi ayrılacaq. Həmin mənzillər payçılara zərərləri güzəştə gedilməklə satıla bilər. Lakin binanın nə vaxt və hansı şirkət tərəfindən tikiləcəyi hələ məlum deyil.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/exus3j

Ən çox baxılan