None

Mənbə: Prezident.az

Heydərabad sakinləri

Məqalə yeniləndi:  5 Mart 2019

Siz necə ziyalısınız ki, bu mövzuda danışmağa qorxursunuz və ömrüboyu ancaq hakimiyyət qarşısında əyilməklə məşğulsunuz?

Bugünlərdə sovet təbliğat sənayesinin ən yaxşı ənənələri üzərində qurulmuş İlham Əliyevin mədəniyyət xadimləri ilə görüşünün atmosferinə baxanda, dahi Aristotelin dövründən məlum olan "bütün yaltaqlar kölələrdir" deyiminin doğru olduğuna bir daha əmin oldum.

Məncə, az yaşamamışam və bu cür tədbirlərdə danışanların səviyyəsinə alışmalı olmalıydım. Lakin bu sahədə xüsusi qabiliyyətli insanlar elə "incilər" təqdim edirlər ki, adam nə deyəcəyini də bilmir.

Bax, bu dəfə də mədəniyyət xadimlərinin içindən seçilmiş xüsusi “istedadlı”ların mehriban cərgəsindən bir lider çıxdı. Bu, saxta ziyalılar üçün tikiləcək qəsəbənin "Heydərabad" adlandırılmasını təklif edən, "xalq yazıçısı" adlanan Anar oldu. O, bununla, sovet dövrlərindən ölkə rəhbərlərinə primitiv tərif deməkdə ad çıxarmış Zeynəb Xanlarovanı da kölgədə qoydu.

İlham Əliyev və Mehriban Əliyevanın mədəniyyət və incəsənət xadimlərinin bir qrupu ilə görüşü

İlham Əliyev və Mehriban Əliyevanın mədəniyyət və incəsənət xadimlərinin bir qrupu ilə görüşü

Mənbə: Prezident.az

Mən prezidentin bu psevdo yaradıcı ziyalılarla görüşünə baxanda, qeri-ixtiyari olaraq, kədərlə Putinin Kremldə mədəniyyət xadimləri ilə keçirdiyi oxşar görüşlə paralellər apardım. Həmin görüşdə siyasi motivlərlə həbs edilmiş Sentsovun və Serebrennikovun əfv edilməsini tələb edən bir neçə cəsarətlilər tapıldı. Niyə İlham Əliyevlə görüşə dəvət edilmiş həmyerlilərimdən bircə nəfər də xadim tapılmadı ki, Azərbaycandakı, içərisində xeyli gənclərin olduğu iki yüzədək siyasi məhbusdan heç olmasa birinin müdafiəsi üçün səsini qaldırsın? Siz necə ziyalısınız ki, bu mövzuda danışmağa qorxursunuz və ömrüboyu ancaq hakimiyyət qarşısında əyilməklə məşğulsunuz?

1999-cu ildə akademik Dmitri Lixaçov öləndə deyirdilər ki, rus xalqının vicdanı öldü. Heydərabad sakinləri, bəs sizin vicdanınız haradadır?

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  5 Mart 2019
Bölmələr:  
qısa linklər:   http://mtv.re/3msp8h

Ən çox baxılan