İranda daşqınlar

Mənbə: google.az

Başlıq: İranda daşqınlar

İranda daşqınlar 76 nəfəri öldürüb, 2.2 milyard dollar ziyan vurub

Su daşqınları indiyədək binalara, yollara, infrastruktura və kənd təsərrüfatına küllü miqdarda ziyan vurub

Ötən həftələr ərzində İran ərazisində baş verən daşqınlar nəticəsində 76 nəfər həlak olub və 2,2 milyard dollardan artıq ziyan dəyib, - İran rəsmiləri deyib.

"Xuzestan əyalətində beş nəfərin ölməsi və İlam əyalətində başqa bir şəxsin ölümü ilə 19 mart tarixindən etibarən ölənlərin sayı 76-a çatıb.

Azadlıq Radiosunun məlumatına görə, 14 aprel bəyannaməsində bildirilir.

Xuzistan və İlam daşqınlardan təsirlənən ən son iki əyalətdir. Daşqınlar ən ilk İranın şimal şərq əyalətlərini vurub. Nəticədə yüz minlərlə şəhər və kənd evakuasiya edilib.

Su daşqınları indiyədək binalara, yollara, infrastruktura və kənd təsərrüfatına küllü miqdarda ziyan vurub.

Daxili işlər naziri Abdolreza Rəhmani-Fazli parlamentdə etdiyi çıxışda, "31 əyalətdən 25-i və 4,400-dən çox kənd su altında qalıb," - İRNA xəbər agentliyi xəbər verib.

Onun sözlərinə görə, dəyən ziyan 300-350 trilyon rial təşkil edir - azad bazar məzənnəsiylə 2,2 milyard dollardan 2,6 milyard dollar arasındadır.

Nəqliyyat naziri Mohammad Eslami millət vəkillərinə deyib ki, 725 körpü fəlakət nəticəsində dağılıb və 14.000 kilometrdən çox yol sel və su basqını nəticəsində zərər görüb.

Prezident Həsən Ruhani daşqından təsirlənənlərə təzminat vəd edib. İranın dövlət büdcəsi isə ABŞ sanksiyalarına görə daralıb.

İranın Suveren Sərvət Fondunun rəhbəri Morteza Şahidzadənin sözlərinə görə, prezident Ali Rəhbər Ayətullah Əli Xameneyidən daşqından əziyyət çəkən ərazilərin rekonstruksiyası üçün fonddan 2 milyard dollar çəkmək üçün icazə istəyib.

İran qonşu və digər ölkələrdən də yardım alıb. Aprelin 13-də Fransa 210 çadır və 114 nasos ianə edib.

Aprelin 14-də İranın İslam İnqilabı Keşikçiləri Korpusuna (İRGC) bağlı olan “Tasnim” xəbər agentliyi deyib ki, 50 İraq şiə milis qüvvələrinin avtomobil konvoyu daşqınlarda yardım etmək üçün qərbi İrana yollanıb.

Daha əvvəl İranın Bağdaddakı səfiri İraj Məscidi deyib ki, yüzlərlə iraqlı milis Xuzistan və Lorestan əyalətlərinə göndərilib.

Daşqınlar İranda genişmiqyaslı nümayişlərə səbəb olub. Nümayişçilər hökuməti biganəlikdə qınayırlar.

İranın mühafizəkarları Ruhani və onun hökumətinin fəlakətin nəticələrini aradan qaldırmaqdan ötrü kifayət qədər çalışmadığını deyirlər.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/8sqzb9

Ən çox baxılan