Mərkəzi Bank

Mənbə: meydan tv

Başlıq: Mərkəzi Bank

Mərkəzi Bank uçot dərəcəsini endirib

''Ölkənin strateji valyuta ehtiyatları 46,6 milyarda dollar olub''

Azərbaycan Mərkəzi Bankının İdarə Heyəti uçot dərəcəsinin 9.25 faizdən 9 faizə endirilməsi haqda qərar qəbul edib.

Mərkəzi Bankın yaydığı məlumatda deyilir ki, faiz dəhlizinin yuxarı həddi 11%, aşağı həddi isə 7% (uçot dərəcəsinə ±2%-lik simmetrik diapazonda) səviyyəsində müəyyən edilib. Qərar 15 mart 2019-cu ildən qüvvəyə minir.

Sonuncu dəfə Mərkəzi Bank uçot dərəcəsini 2019-cu il fevralın 1-də 9,75 faizdən 9,25 faizə qədər endirmişdi.

Bundan başqa inflyasiya proseslərinə dair proqnozlarını açıqlayan Mərkəzi Bankdan bildirilib ki, cari ilin yanvar-fevral aylarında inflyasiya 0.8% təşkil edib.

“O cümlədən, qiymətlərin ümumi səviyyəsi ərzaq məhsulları üzrə 2.1% və qeyri-ərzaq məhsulları üzrə 0.2% artmış, xidmətlər üzrə isə 0.6% aşağı düşüb. 2019-cu ilin fevral ayında 12 aylıq inflyasiya 2.1% olub ki, bu da hədəf diapozonunun aşağı həddinə yaxındır”.

Bankın məlumatına görə, yanvar-fevral aylarında xarici ticarət balansında 986.3 mln. dollar məbləğində müsbət saldo yaranıb, ixrac 42.6%, o cümlədən qeyri-neft ixracı 16.4% artıb.

Mərkəzi Bank bəyan edib ki, ilin əvvəlindən ölkənin strateji valyuta ehtiyatları 4.1% artaraq 46.6 mlrd. ABŞ dollarına çatıb ki, bu, tədiyə balansının profisitlə formalaşdığını göstərir.

“2019-cu ilin yanvar ayında ötən ilin müvafiq dövrünə nəzərən iqtisadi artım 2.9% təşkil edib. İqtisadi artım qeyri-neft sektorunda 2.7% olub ki, bu da əsasən ticari sektordan qaynaqlanıb. Qeyri-neft sənayesində 12.9%, kənd təsərrüfatında 2.4% artım müşahidə olunub”.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/m1muui

Ən çox baxılan