Mənbə: Meydan TV

Məşhur şahmatçılar Azərbaycanda

Məqalə yeniləndi:  9 Aprel 2019

Vüqar Həşimovun xatirəsinə şahmat turniri keçirilir

Tanınmış şahmatçı, mərhum qrossmeyster Vüqar Həşimovun xatirəsinə həsr olunan “Shamkir Chess 2019” superturniri başlayıb.

Altıncı dəfə təşkil olunan turnirdə Azərbaycan şahmatçılarından Şəhriyar Məmmədyarov və Teymur Rəcəbov iştirak edir. Dünya çempionu norveçli Maqnus Karlsen də turnirin iştirakçıları sırasındadır. Rusiya təmsilçiləri Aleksandr Qrişuk və Sergey Karyakin, Çexiya təmsilçisi David Navara, Hollandiyanı təmsil edən Aniş Giri, Bolqarıstan təmsilçisi Veselin Topalov, Çin təmsilçisi Dinq Liren və Hindistanın əfsanəsi sayılan Vişvanatan Anand turnirin iştirakçıları sırasındadır.

SOCAR, Gənclər və İdman Nazirliyinin, Azərbaycan Şahmat Federasiyasının dəstəyi, “Synergy Group”un tərəfdaşlığı ilə keçirilən XXII kateqoriyalı Vüqar Həşimov memorialında bu dəfə də FIDE reytinqində ən yüksək yerlərdə qərarlaşan 10 güclü qrossmeyster mübarizə aparır. Superturnirin reytinq favoriti norveçli hazırkı dünya çempionu Maqnus Karlsendir. O, FIDE-nin reytinq cədvəlində 2845 xalla birinci pillədə qərarlaşıb.

İsveçrə sistemi üzrə keçirilən doqquz turdan ibarət “Shamkir Chess 2019” turnirinə aprelin 9-da yekun vurulacaq.

Bir müddət öncə sosial şəbəkələrdə sponsor problemindən şikayət edən Azərbaycan təmsilçisi Şəhriyar Məmmədyarov martın 31-də, tədbirin ilk günü keçirilən konfransda artıq sponsorunun olduğunu vurğulayıb.

“shamkirchess.com”-un məlumatına görə, 2014-cü, 2015-ci və 2018-ci illərdə yarışın qalibi Maqnus Karlsen olub. 2016-cı və 2017-ci illərdə isə Şəhriyar Məmmədyarov superturnirin qalibi seçilib.

Karlsen

Karlsen

Mənbə: Meydan TV

Oyun zamanı

Oyun zamanı

Mənbə: Meydan TV

Şahmatçı

Şahmatçı

Mənbə: Meydan Tv

Oyun

Oyun

Mənbə: Meydan TV

Turnir

Turnir

Mənbə: Meydan Tv

Teymur Rəcəbov

Teymur Rəcəbov

Mənbə: Meydan TV

Şahmatçı

Şahmatçı

Mənbə: Meydan TV

Şahmatçı

Şahmatçı

Mənbə: Meydan TV

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  9 Aprel 2019
Bölmələr:  
qısa linklər:   http://mtv.re/wgx2ci

Ən çox baxılan