Mənbə: Meydan TV

Özbək rəsmisi Məhəmməd Peyğəmbərlə bağlı şərhdən sonra ölüm təhdidləri alır

Nərgizə Rəhimovanın həyat yoldaşı və övladı hədəfdədir

Özbəkistan hökumətinin rəsmi nümayəndəsi poliqamiya və Məhəmməd Peyğəmbərə istinadən verdiyi onlayn yazıdan sonra ölüm təhdidlərinə məruz qalıb və polis nəzarətindədir, - Azadlıq Radiosunun Özbək Xidməti xəbər verir.

Özbəkistan Mətbuat və İnformasiya Agentliyinin müavini Nərgizə Rəhimova (Nargiza Rakhimova) Beynəlxalq Qadınlar Günü ərəfəsində “Facebook”da bir oxucunun şərhinə cavab olaraq poliqamiyanı dəstəkləyən şərh yazıb.

Hayot Bəxtiyor O’gli şərhində yazıb: "Bir qadınla belə bacara bilməyən qamçılanmış kişilər və yalnız axmaq ərlərinə süd verən fahişə qadınlar poliqamiyaya qarşı çıxarlar".

Rəhimova 3 mart tarixində yazıb: "Peyğəmbərimiz anamız Xədicə sağ olanda ikinci bir qadını almamışdı. Bilmirəm, bəlkə də o da qamçılanmışdı və ya Xədicə bir fahişə idi. Siz daha yaxşı bilərsiniz. Həzrəti Əli (Məhəmmədin oğulluğu) da Fatimə sağ olanda ikinci arvad almamışdı".

Baş Prokurorluqdan Azadlıq Radiosunun Özbəkistan Xidmətinə verilən məlumata görə, Rəhimovanın şərhindən sonra vəzifəsindən azad edilməsi üçün təhdid və tələblər olub. Buna görə də ciddi tədbirlər görülüb.

Rəhimova daha sonra sözlərinə görə üzr istədiyini əks etdirən video yerləşdirib, amma təhdidlər hələ də davam edir. Sosial mediada yayılan bu təhdidlərdə Rəhimovanın cəzalandırılmalı olduğu əksini tapır.

Təhdidlər sadəcə 35 yaşlı Rəhimovanı deyil, onun həyat yoldaşını və dörd övladını da hədəf alır.

Polis ictimai media hesablarının mənbələrini araşdırır.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/66nyb7

Ən çox baxılan