Hasara alınan park

Mənbə: meydan tv

Başlıq: Hasara alınan park

Qazaxda: ''İsmayıl Şıxlı'' parkı niyə hasara alınıb?

Məqalə yeniləndi:  10 Aprel 2019

Sakinlər ağacların kəsilməsindən narahatdır

Qazax şəhərinin mərkəzində, Qazax rayon İcra Hakimiyyətinin yaxınlığında yerləşən “İsmayıl Şıxlı” parkının içindəki ağaclı ərazinin bir hissəsi hasara alınıb. Həmin ərazidə tikinti işlərinin aparılacağı bildirilir.

Bu barədə Meydan TV-yə Qazax sakinləri məlumat veriblər. Rayon sakinləri parkdakı ağacların kəsiləcəyindən narahatdırlar. Onların sözlərinə görə, imkanlı şəxslərdən birinin ərazidə iaşə obyekti tikəcəyinə dair məlumatlar dolaşır:

“Bura şəhərin ən gözəl guşələrindən biridir. Biz sakinlər olaraq bununla razı deyilik. Böyük, yaşıl parkdır, həmin ağacları kəsmək günahdır, cinayətdir. Belə olmaz”.

Sosial şəbəkələrdə də məsələ ilə bağlı videogörüntülər paylaşılır.

Meydan TV məsələyə münasibət öyrənmək üçün Qazax Rayon İcra Hakimiyyəti ilə əlaqə saxlayıb. Özünü “növbətçi” kimi təqdim edən şəxs bu barədə məlumatsız olduğunu bildirib:

“Həmin park düz icra hakimiyyətinin yaxınlığındadır. Belə bir hal olsa, mütləq xəbərimiz olar. Yayılan məlumatın əsas yoxdur, yalandır”.

İcra hakimiyyətinin əməkdaşı ərazinin hansı səbəbdən hasara alındığına da aydınlıq gətirməyib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  10 Aprel 2019
Bölmələr:  
qısa linklər:   http://mtv.re/hp7nrh

Ən çox baxılan