Moskvada keçirilən mitinqə saxlanılanlar var
Rusiyada minlərlə fəal tənqidçi Prezident Vladimir Putinin internet üzərində dövlət nəzarətinin gücləndirilməsi və senzuranı asanlaşdırması üçün irəli sürdüyü qanun layihəsinə qarşı etiraz aksiyaları keçirib.
Müxalif "White Counter" Hərəkatı martın 10-da Moskvanın Saxarov prospektində təklif olunan mitinqə 15300 nəfərin gəldiyni bildirib. Polis isə bu rəqəmin 6500 olduğunu deyib.
Mitinq iştirakçıları "İnternetdən əl çəkin" və "təcrid olunmaya yox" kimi şüarlar səsləndirərək qanun layihəsinin dəstəkçilərinə etiraz ediblər. Qanun layihəsini dəstəkləyənlərin fikrinə görə, bu layihə xaricdəki serverlərə çıxışı kəsildiyi təqdirdə ölkədə İnternetin fəaliyyətini təmin etmək üçün nəzərdə tutulub.
Nümayişçilərə təzyiqləri izləyən müstəqil “OVD-İnfo” qurumu deyib ki, Moskvadakı mitinqdən əvvəl və sonra 29 nəfər nəzarətə altına alınıb.
Etirazçılar Uzaq Şərq şəhəri Xabarovskda da etiraz aksiyasına qoşulublar. Sankt-Peterburqda fəaliyyət göstərən aktivistlər isə hakimiyyət orqanları tərəfindən icazə verilməyən kütləvi nümayişlərə qarşı Rusiya qanununa riayət etmək üçün piket keçiriblər. Etirazlar Rusiyanın Voronej və digər şəhərlərində də baş tutub.
Sankt-Peterburqda Libertarian Partiyasının iki tərəfdarı da qısa müddətə saxlanıb, – bu barədə “OVD-İnfo” məlumat verib.
Fevralın 12-də Rusiya parlamentinin alt palatasında ilk oxunuşdan keçən "Suveren internet" qanun layihəsi Dövlət Dumasında üst palataya getməzdən əvvəl iki dəfə səsə qoyulacaq.
Moskva mitinqinin təşkilatçısı “Roskomsvoboda” Hərəkatının üzvü Aleksandr İsavnin Azadlıq Radiosuna deyib: “Bizim dövlətimiz internetin sərbəst informasiya mübadiləsi, o cümlədən müxalifət qüvvələri tərəfindən istifadə edilməsinə diqqət yetirmişdir və buna görə də onu nəzarətdə saxlamağı çox istəyir".
Müxalifət lideri Aleksey Navalninin köməkçisi Nikolay Lyaskin qanun layihəsini "vintləri sıxmaq" üçün internet azadlığına qarşı hökumət tərəfindən atılan bir addım adlandırıb və rusları "bu dəliliyə" qarşı mitinqə çağırıb.
Layihə Rusiya və Qərb arasında davam edən gərginliyi əks etdirir. Qərb hökumətləri Moskvanı kiber təhlükələrdən və ictimai media fəaliyyətindən xaricə nifaq salmaq və qlobal gücünü artırmaq üçün istifadə etməkdə ittiham ediblər.
Layihənin tərəfdarları qeyd edirlər ki, qanun layihəsi Rusiyanı potensial kiber hücumlardan qoruyacaq.
