Tar ustası: İndi ilə bir tar satmıram

Vaxtilə hər ay 2-3 tar satardı, indi isə ilə bir tar satar, ya satmaz

Vaxtilə hər ay 2-3 tar satardı, indi isə ilə bir tar satar, ya satmaz

Rəşid Məmmədov artıq uzun illərdir tar təmir etməklə məşğuldur. İlk emalatxanasını da təxminən 30 il öncə açıb. Hazırda Bakının Kubinka deyilən yerdə, Cəlil Məmmədquluzadə 42 ünvanında müxtəlif cür musiqi alətləri təmir etməklə məşğuldur. Tar ustası olmamışdan öncə isə 30 ilə yaxın Layihə İnstitutunda çalışıb. Maaşı az olduğundan tar təmir etmək peşəsinə yönəlib.

"Əvvəl işlədiyim institutda maaş az idi, mən də rəhbərlikdən gizlin tar düzəltməyə başladım. İlk tarı da 1970-ci ildə düzəltdim. O vaxtdan ta bugünə kimi bu işlə məşğul oluram” - deyir.

Rəşid ustanın sözlərinə görə, düzətdiyi tarları əvvəllər çox satardı. Vaxtilə hər ay 2-3 tar satarmış. Təxminən 400-800 manata. Amma indi vəziyyət əvvəlkindən də pis olub. İndi heç ilə bir tar belə satmaq mümkün deyil: “Ötən əsrin 90-cı illərində də vəziyyət çətin idi. İndi alıcı yoxdur. Vaxtilə 400- 800 manata da tar satmışam. İndi isə, ümumiyyətlə, alıcı belə yoxdur. İndi işim çox çətindir. Əvvəllər ayda 2-3 tar satırdım. Onda adam da həvəsli olur. İndi ildə bir tar sataram, ya yox".

Rəşid usta bir tarı hazırlamaq üçün təxminən iki ilə yaxın vaxt sərf edir:

"Ağacı kəsib doğramaq, sonra onu yonub bir formaya salmaq, daha sonra ağacı qurumağa qoymaq lazımdır ki, iş keyfiyyətli olsun. Tarın bir üstünlüyü var ki, ağacı yaş-yaş yonub düzəltmək lazımdır. Sonra ən azı bir il qalıb qurumalıdır. Nə qədər çox qurusa, bir o qədər yaxşıdır. Bir tarın hazırlanması, heç olmasa, 2 il çəkir. Kal ağacdan tar olmaz. Səsi yaxşı çıxmaz, həm də tez əyilər”.

Rəşid usta tardan başqa digər musiqi alətləri də düzəltməyi də bacarır. Bunların içində saz, bəntar, çoğur alətləri də yer alıb.

Rəşid ustanın Cəlil Məmmədquluzadə 42 ünvanında yerləşən emalatxanası

Rəşid ustanın Cəlil Məmmədquluzadə 42 ünvanında yerləşən emalatxanası

Rəşid usta günün çox hissəsini burada keçir

Rəşid usta günün çox hissəsini burada keçir

Vaxtilə hər ay 2-3 tar satardı, indi isə ilə bir tar satar, ya satmaz

Vaxtilə hər ay 2-3 tar satardı, indi isə ilə bir tar satar, ya satmaz

Rəşid ustanın musiqi alətləri təmir etməsi üçün lazım olan alətləri

Rəşid ustanın musiqi alətləri təmir etməsi üçün lazım olan alətləri

Tar təmir edən zaman köhnəlmiş radioda həzin bir musiqi dinləyir

Tar təmir edən zaman köhnəlmiş radioda həzin bir musiqi dinləyir

Emalatxanada çoxlu sayda tar, saz, bəntar, çoğur alətləri düzəldib

Emalatxanada çoxlu sayda tar, saz, bəntar, çoğur alətləri düzəldib

Rəşid usta öz emalatxanasından Azərbaycanın dahi şəxsiyyətlərinin portretini asmışdı

Rəşid usta öz emalatxanasından Azərbaycanın dahi şəxsiyyətlərinin portretini asmışdı

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/rgi3mg

Ən çox baxılan