Tənəffüs zəngi əks-səda verir. Amma bu səs məktəblilər üçün nəsə ifadə etmir. Çünki bu məktəbdə nə bufet, nə də normal sanitar qovşağı var.
Burada Şuşa məcburi köçkün ailələrinin uşaqları təhsil alır. Əvvəllər 10 saylı İnternat məktəbində oxuyan uşaqların ora təmirə dayanandan sonra getməyə məktəbləri olmayıb. Bura isə ötən ilin oktyabr ayından fəaliyyət göstərir. Özü də valideynlər və müəllimlərin hesabına.
Valideynlər deyir ki, heç o dövrdə biz belə əziyyət çəkməmişdik.
130 şagirdi olan təhsil ocağının 27 pedoqoji, 8 texniki işçi var. Məktəbin təmizlik işlərinə cavabdeh olan Nargilə Hüseynova deyir ki, həftəsonu yağış yağarsa, onlara istirahət yoxdur. Həmin gün gəlib, məktəbə daman suyu təmizləməlidirlər.
Məktəblilərin taleyi ilə bağlı Təhsil Nazirliyi, Qaçqınların və Məcburi Köçkünlərin işləri üzrə Dövlət Komitəsi ilə əlaqə yaratmağa çalışdıq, lakin zənglərimizə cavab verən olmadı. Balacalar isə nə vaxtsa gödəkçəsiz otura biləcəkləri sinif arzulayırlar.
